Tifogrupi “Plisat” vazhdojnë përkushimin maksimal për të ndihmuar vëllezërit tanë në Shqipëri, pas tragjedisë vdekjeprurëse.

Ata kanë njoftuar se 30 psikologë tashmë kanë arritur në Durrës për të ndihmuar njerëzit në nevojë.

Ky është njoftimi i plotë i Plisave:

“Plisat vazhdojnë të reagojnë konform situatës.

Ekipi profesional prej tridhjetë(30) psikologësh, dy prej tyre specialist në psikologjinë klinike, që të gjithë vullnetarë, tashmë kanë arritur në Durrës.

Anëtarët tanë janë të angazhuar maksimalisht në teren që t’i evidentojnë rastet e fëmijëve me probleme të ndryshme psiqike, që më pas t’i ushtrojnë në trajtim nga ana e profesionistëve.

Pas raportimeve nga vendet e ngjarjes, ne aksionit i erdhëm në fund. Ju faleminderit të gjithëve.

Me respekt,

Plisat Prishtinë.”