Në media vendore po qarkullon lajmi se Ministria e Kulturës Rinisë dhe Sportit ka marr vendim që FFK të shkoj në zgjedhje.

Në një letër drejtuar delegatëve të Kuvendit të FFK-së dhe sekretariatit, Ministria jep sqarimet e nevojshme për këtë situatë, shkruan Reporteri.net.

Departamenti ligjor i MKRS-së në bazë të kompetencave të tij ka hasur në shkelje të statutit kur është zgjedhur kryetar Agim Ademi, përkatësisht është shkelur pika 3 e nenit 39-të dhe me këtë rast FFK do të shkoj në zgjedhje të reja.

Ndërkaq, për këtë situatë ka reaguar kryetari aktual i FFK-së, Agim Ademi, ku në një prononcim për Reporterin, ai tha se këto lajme nuk janë të sakta dhe se Ministria e Kulturës Rinisë dhe Sportit do ta mbajë mbledhjen për t’i zgjedhur përfaqësuesit e FFK-së në regjionet e Kosovës.

“Lajmet që qarkullojnë në media nuk janë të sakta, kjo nuk ka të bëjë me mandatin tim si kryetari i FFK, dhe nuk do të ketë zgjedhje në këtë pikë, por mbledhja e thirrur nga Ministria e Kulturës Rinis dhe Sportit ka të bëjë me zgjedhjen e përfaqësueseve të FFK-së në regjionet e Republikës së Kosovës”, tha Ademi.

/Reporteri.net/