Shtëpia numër një e futbollit në botë “UEFA” e përkrah fuqishëm zgjedhjen e Agim Ademit si kryetar të FFK-së.

Pas polemikave nga zëvendëssekretari, Arianit Ahmeti, se kishte parregullsi në zgjedhjen e kryetarit të tanishëm Ademi, UEFA përmes një shkrese iu është përgjigjur, Ahmetit e bordit të FFK-së, shkruan Reporteri.net.

Mirëpo FFK-ja ka publikuar një përgjigje të marrë nga UEFA, e që thotë se zgjedhja e Ademit është bërë në bazë të rregullave.

“Në lidhje me kërkesën tuaj të datës 2 dhjetor, 2019, mund të konfirmoj se unë personalisht kam marrë pjesë në Kuvendin e Përgjithshëm të Jashtëzakonshëm Zgjedhor të FFK-së më 6 korrik, 2018, dhe se, me këtë rast, z. Agim Ademi u zgjodh me aklamacion president i ri i FFK-së me mandat katërvjeçar”, thuhet në përgjigjen e Thierry Favre, Shef i Zhvillimit të Federatave Nacionale/Zëvendësshef i Divizionit të Federatave Nacionale”.

Kujtojmë se pak më parë FFK ka publikuar të gjithë procesverbalin e zgjedhje së Ademit kryetar të FFK-së, ku thuhet se atij i takon mandati katër vjeçar.

/Reporteri.net/