Deputeti i LDK’së, Lumir Abdixhiku në Debat Plus në RTV Dukagjini duke komentuar ofertën e VV’së për presidentin ku thuhet se ai nuk duhet të zgjidhet edhe me votat e ish PAN’it, ka thënë se nuk ka kuptim, pasi sipas tij, presidenti nuk do të mund të zgjidhet pa 80 vota.

Nëse VV e LDK arrijnë ta bëjnë koalicionin, presidentin pas një viti nuk do të mund ta zgjedhin edhe pa të paktën tri vota të opozitës shqiptare, e që janë parti të ish PAN’it.

Për presidentin edhe nëse do të votonin të gjithë deputetët e VV’së, LDK’së dhe njëzet deputetët e pakicave, do të bëheshin 77 vota, të cilat nuk mjaftojnë.

Në këtë rast patjetër do të duhej të pajtoheshin të paktën edhe tre deputetë nga ish PAN’i që të qëndronin në sallën e Kuvendit gjatë zgjedhjes së presidentit në mënyrë që zgjedhja e tij të konsiderohej kushtetuese.

Nga kjo, i bie se VV edhe pse LDK’së i ka dhënë të drejtën e propozimit të kandidatit për president, kur i ka vendosur kushtin që ai të mos zgjidhej me votat e ish PAN’it, praktikisht ia ka bërë të pamundur që kandidati i saj të mund ti marrë votat në Kuvend.