Mesut Ozil thotë se Arsenali ende shpreson të kualifikohet në Ligën e Kampionëve, kjo nëse ata punojnë për ta siguruar vendin e katërt në Premierligë.

Topçinjtë aktualisht janë në vendin e dhjetë në tabelën e Premierligës, dhjetë pikë larg Chelsea që tashmë janë në vendin e katërt, shkruan Reporteri.net.

Djelmoshat e teknikut, Mikel Arteta ende kanë gjasa që të kualifikohen në Ligën e Kampionëve duke fituar Ligën e Evropës, por Ozil shpreson që ata të mund të bëjnë këtë nga ndeshjet e Premierligës.

“Gjëja që unë mund të bëj është të jap gjithçka për ekipin, për veten time, të jem i suksesshëm dhe të shohim se çfarë ndodh.

“Ajo që di është se do të jap gjithçka për këtë klub, për shokët e mi të skuadrës. Kemi pasur një sezon të vështirë, por duam të fitojmë ndeshje përsëri, të marrim pikë, që ndoshta të jemi në vendin e katër në fund të sezonit.

“Qëllimi ynë është të jemi në Ligën e Kampionëve. Këtë vit kemi pasur periudha të vështira, por mendoj se mund ta arrijmë këtë”./Reporteri.net/