Mike Tyson ishte i përfshirë në një përplasje me një tifoz, i cili kishte tentuar ta bënte një fotografi me legjendën e boksit gjatë meçit mes Deontay Wilderit dhe Tyson Furyt.

Ish-ylli i kategorisë së rëndë në boks 53-vjeçar ishte i pranishëm në MGM Grand Garden Arena në Las Vegas, për ta ndjekur nga afër meçin mes dyshes së boksit për titullin e ËBC, transmeton Express.

Tyson, i cili e kishte mbështetur Furyn për ta fituar meçin, u nderua bashkë me dy legjendat e tjera të boksit, Evander Holyfield dhe Lennox Lewis.

Megjithatë, tani kanë dalë pamjet nga një moment kur “Mike-u i hekurt” duket e humbi durimin me një tifoz, i cili po tentonte ta bënte një fotografi me legjendën e boksit.

https://www.youtube.com/watch?v=RyyL84N7Q9c

Njeriu, i cili e filmoi incidentin, dëgjohet duke thënë: “E shtyri dikë për ta larguar nga rruga e tij. Mike Tyson sapo e shtyri dikë. Oh, m*t. Oh, uau”.