Një vrasje e rëndë ka ndodhur në qytetin e Pejës mbrëmë pas mesnate.

Policia e Kosovës për Reporterin ka konfirmuar se një trup i pajetë është gjendur i djegur brenda një veture në fshatin Zahaq të Pejës.

Edhe pse policia nuk jep as inicialet e personit dhe as nuk e cilëson si vrasje, media të ndryshme raportojnë se trupi që është djegur brenda veturës është i Qerim Kelmendit, vëllaut të Ibrahim Kelmendit që njihet si një prej drejtuesve të Lëvizjes Popullore të Kosovës.

Këtë e ka konfirmuar edhe nipi i tij, Ali Kelmendi i cili ka thënë se trupi i axhës së tij është gjetur totalisht i djegur.

Kelmendi ka qenë luftëtar i Ushtrisë Çlirimtare të Kosovës i cili ka luftuar përkrah Ilir Konushevcit, Ardian Krasniqit, Ramush e Daut Haradinaj e Rexhep Selimit.

Deri tani ende nuk ka informacione për motivet e kësaj vrasje.

Nga informacionet e para, Kelmendi është gjetur i djegur në veturën e tij në fshatin Llabjan të Pejës.

https://www.facebook.com/ibrahim.kelmendi.35/posts/1111851235833061