Një vrasje e rëndë ka ndodhur në qytetin e Pejës mbrëmë pas mesnate.

Policia e Kosovës për Reporterin ka konfirmuar se një trup i pajetë është gjendur i djegur brenda një veture në fshatin Zahaq të Pejës.

I vrari sot në Pejë është Qerim Kelmendi, vëllai i Ibrahim Kelmendi, anëtar i ish Lëvizjes Popullore të Kosovës.

Kelmendi ka qenë luftëtar i Ushtrisë Çlirimtare të Kosovës i cili ka luftuar përkrah Ilir Konushevcit, Ardian Krasniqit, Ramush e Daut Haradinaj e Rexhep Selimit.

Deri tani ende nuk ka informacione për motivet e kësaj vrasje.

Nga informacionet e para, Kelmendi është gjetur i djegur në veturën e tij në fshatin Llabjan të Pejës.

Në postimin e fundit të Kelmendit në rrjetin social në Facebook, ai kishte thënë që urrehet nga mijëra shqiptarë.

Këtë postim e ka bërë në mbrojtje të ish-luftëtarit tjetër Nasim Haradinajt, pasi ky i fundit e kishte quajtur ish-Presidentin e Kosovës, tradhtar.

“Po, Smajl Haradinaj e Nasim Haradinaj janë Tradhtarë, sepse ishin pakic, ishin kundër Serbisë, luftuan kundër Serbisë dhe shumicēs shqiptare ! Edhe Unë jam tradhtarē si Smajl Haradinaj dhe Nasim Haradinaj, sepse, njësoj si ta, jam i urryer nga mijra shqiptarë !”, pati shkruar Qerim Kelmendi. /Reporteri.net

https://www.facebook.com/qerim.kelmendi/posts/2930200910379318