Një ngjarje tragjike ndodhi në orët e vona të mbrëmjes së kaluar në Zahaq të Pejës.

Qerim Kelmendi dyshohet të jetë vrarë e më pas djegur në veturën e tij. Ai është vëlla i Ibrahim Kelmendit, ish-anëtarit të Lëvizjes Popullore të Kosovës.

Pas vdekjes së tij ka reaguar edhe motra, Lushe Kelmendi. Ajo tha se Qerimi do të jetë me ta deri në përjetësi, edhe pse ia shkurtuan jetën.

“Dashni, ta shkurtuan jetën, por ti nuk do të vdesësh. Ti do të jesh me ne deri në përjetësi”, ka shkruar ajo.

Ndryshe Qerimi prapa vetes la gruan dhe një vajzë.

Arsyet e vrasjes nuk dihen ende.