Pas takimeve zyrtare shumë të rëndësishme, Thaçi ka takuar sot edhe kongresistin, Eliot Engel, një nga politikanët amerikanë që me dekada radhazi përkrahu çlirimin, pavarësinë dhe funksionalizimin e shtetit të Kosovës.

Thaçi tha se çdoherë që takohet me Engelin, bashkë kujtojnë të kaluarën dhe flasin për të ardhmen, shkruan Reporteri.net.

Postimi i tij:

Kongresisti Eliot Engel është një prej politikanëve amerikanë, që me dekada të tëra e ka përkrahur çlirimin, pavarësinë dhe funksionalizimin e shtetit të Kosovës.

Edhe tani si Kryesues i Komitetit për Politikë të Jashtme pandalshëm po jep kontribut tejet të çmuar për ndërkombëtarizimin dhe fuqizimin e Republikës së Kosovës gjithandej botës. Sa herë që takohem me kongresistin Engel, së bashku e kujtojmë të kaluarën dhe flasim për të ardhmen.

Dhe, me SHBA-në si partner strategjik, nuk ka pengesë që mund ta ndalë rrugëtimin e Republikës së Kosovës drejt integrimit evroatlantik. HTH