Prishtina-Ballkani luhet sot me fillim nga ora 17:00 në stadiumin Fadil Vokrri

Derbi i kësaj jave në futbollin kosovar zhvillohet ndërmjet liderit, Ballkani dhe Prishtinës, që aktualisht është në vendin e tretë, shkruan Reporteri.net

Kjo ndeshje ka rëndësi të madhe për të dy skuadrat që po luftojnë për titullin e kampionit këtë edicion.

Prishtina mund të llogaritet favorite pasi luan në shtëpi, por Ballkani këtë edicion ka treguar lojëra të mira dhe nuk është rastësisht edhe lider i Superligës.

Ndeshja është pritur me mjaft entuziazëm dhe sot në Fadil Vokrri pritet të ketë një numër të konsiderushëm të tifozëve. /Reporteri.net/