Vendimi i kryeministrit të vendit, Albin Kurti për ta hequr taksën 100 për qind për lëndën e parë për mallrat nga Serbia dhe Bosnja, ka nxitur reagime të shumta.

E një reagim rreth këtij vendimi e ka bërë edhe ambasadori i Gjermanisë në Kosovë, Christian Heldt.

Ambasadori gjerman e ka quajtur inkurajues dhe të rëndësishëm vendimin e kryeministrit Kurti.

Përmes një postimi në llogarinë e tij në Twitter, Heldt ka thënë se kjo mund të qojë në një proces konstruktiv në heqjen e barrierave tregtare dhe lëvizjes së lirë mes Kosovës dhe Serbisë.

“Hap i rëndësishëm dhe inkurajues i kryeministrit Albin Kurti pas vetëm disa javësh në detyrë. Ai tani mund të udhëheq një proces të heqjes së tarifave për tregti dhe lëvizje të lirë midis Kosovës dhe Serbisë. Dhe rindërtimi në një dialog që çon në normalizim të plotë”, ka shkruar Heldt.

Important and courageous step by PM @albinkurti after just a few weeks in office.Should now lead to a constructive process lifting barriers 4 trade and free movement between both #Kosovo and Serbia. And reengage in a dialogue leading to full normalization. https://t.co/NNJpWbH71X

— Ambassador Christian Heldt (@GermanAmbKOS) February 29, 2020