Kryetari i Prishtinës, Shpend Ahmeti përpos angazhimeve të shumta po del të jetë adhurues i madh i serialeve.

Në bazë të statistikave, që kur Ahmeti është bërë pjesë e aplikacionit TV Time ka shikuar hiç më pak se 4 mijë episoda apo përthyer në muaj, i bie 3 muaj e 26 ditë e 13 orë, shkruan Reporteri.net.

Këto statistika i ka publikuar vetë kryetari Ahmeti në profilin e tij në këtë aplikacion.

Në bazë të statistikave vetëm në 7 ditët e fundit, Ahmeti ka shikuar gjithsej 16 episoda.

Zhanret që ka shikuar më së shumti Ahmeti janë komedi, dramë dhe aksion.

Ndryshe TV Time është aplikacion që mbledh adhuruesit e serialeve. Ky aplikacion u mundëson përdoruesve që gjithashtu të reagojnë dhe të komentojnë episodet brenda komunitetit të aplikacionit. /Reporteri.net