1 Marsi njihet si Dita Ndërkombëtarëve e Përdoruesve të Karrocave. Kjo datë u shënua edhe në vendin tonë me moton, “Mos ma kufizo lëvizjen”.

Prej orës 12:45, në sheshin Skënderbeu në Prishtinë u panë shumë përdorues karroce me sllogane të ndryshme në duar, dhe të cilat sot u shoqëruan edhe nga kryeministri i Kosovës, Albin Kurti, dhe kryetarja e Kuvendit, Vjosa Osmani, shkruan Indeksonline.

Ndërsa, kryetari i Prishtinës, Shpend Ahmeti, përmes një postimi të bërë në Facebook ka treguar se sot janë ndarë mbi 500 pajisje ndihmëse për persona me aftësi të kufizuar.

Ky është postimi i plotë i Ahmetit:

Sot në Ditën Ndërkombëtare të Përdoruesve të Karrocava së bashku me përfaqësues të HANDIKOS dhe HANDICAP Kosova e kemi bërë shpëndarjen e dhjetra karrocave dhe veturave elektrike. E gjithë kjo falë një donacioni të mbi 500 pajisjeve ndihmëse për persona me aftësi të kufizuar që e kemi pranuar nga Norvegjia.

Në emër të Komunës së Prishtinës dua të shpreh mirënjohjen e madhe për Shoqatën Fehmi Agani në Arendal, Norvegji, si dhe aktivistin e saj të jashtëzakonshëm, Besnik Ramadani. Falë kësaj ndihme mbi 500 persona me aftësi të kufizar do kenë një jëtë më të lehtë.

Ju faleminderit shumë e i gëzofshi!

https://www.facebook.com/shpend.ahmeti/posts/10159484827572166