Gjykata e Përmetit ka liruar nga qelia Henri Çilin, duke e lënë në detyrim paraqitje.

Pronari i Universitetit Europian të Tiranës, Henri Çili i arrestuar dy ditë më parë në një operacion të gjerë policor koduar “Mezhgorani” u shpreh se është arrestuar pa asnjë provë, ndërsa lidhur me kunatin, tha se ‘nëse ka bërë paligjshmëri, le të përgjigjet’.

Ndërkohë që vendimi për masën e sigurisë për administratorin e pronave të Çilit, Betim Shkupi do të jepet nga një tjetër gjyqtar për shkak të konfliktit të interesit, pasi ka qenë shok klase me Dritan Hasanin.