Në Ditën Ndërkombëtare të Përdoruesve të Karrocave, Komuna e Prishtinës së bashku me përfaqësues të HANDIKOS dhe HANDICAP Kosova, sot kanë shpërndarë 500 pajisje për persona me aftësi të kufizuar.

Këtë e bëri të ditur Shpend Ahmeti, Kryetari i Komunës së Prishtinës, me anë të një postimi në rrjetin social Facebook.

“E gjithë kjo falë një donacioni të mbi 500 pajisjeve ndihmëse për persona me aftësi të kufizuar që e kemi pranuar nga Norvegjia”.

“Në emër të Komunës së Prishtinës dua të shpreh mirënjohjen e madhe për Shoqatën Fehmi Agani në Arendal, Norvegji, si dhe aktivistin e saj të jashtëzakonshëm, Besnik Ramadani. Falë kësaj ndihme mbi 500 persona me aftësi të kufizuar do kenë një jetë më të lehtë”, ka shkruar Ahmeti.