Cristiano Ronaldo ishte i pranishëm dje në “Santiago Bernabeu” për El Clasico dhe ishte dëshmitar i fitores 2-0 të Real Madrid ndaj Barcelona.

Me golin e shënuar nga Vinicus dhe Rodrigo, Reali mposhti Barcelonën dhe kapi kreun e tabelës në La Liga, shkruan Reporteri.net.

Prezenca e Ronaldos në “Bernabeo” befasoi të gjithë, por deklarata e shokut të tij edhe më shumë, ku tha se CR7 dëshiron rikthimin në Real.

“Unë e di sigurt se Cristiano e dëshiron rikthimin në Real Madrid. Ai u emocionua shumë kur shënoi Viniciusi”, tha ai.

“Tani ai aktualisht është i përqendruar te Juventus, por në futboll, kurrë mos thuaj kurrë. Unë nuk e di se çfarë do të ndodhë në të ardhmen. Askush nuk mund ta dijë”, tha miku i tij Edu Aguirre./Reporteri.net/