Ministria e Shëndetësisë e Iranit ka raportuar 12 vdekje të reja nga koronavirusi, duke e rritur në 66 numrin e përgjithshëm të viktimave në republikën islamike.

Deri më tash, në Iran janë infektuar 1501 persona.

Televizioni shtetëror njoftoi se në mesin e personave të vdekur së fundi është edhe një anëtar i një këshilli që është i lidhur me liderin suprem të Iranit, shkruan Free Europe, transmeton Reporteri.net.

Me koronavirus tashmë janë infektuar edhe zyrtarë të tjerë shtetërorë, përfshirë nënpresidentin, Masumeh Ebtekar, dhe kryetarin e një task-forcë qeveritare për koronavirusin, i cili para se të infektohej ishte përpjekur që ta nënvlerësonte rrezikun nga sëmundja.

Ekspertët shëndetësor thonë se shkalla e vdekshmërisë së personave të infektuar me koronavirus në Iran – rreth 5.5% – është shumë më i lartë se në shtetet e tjera, duke lënë të kuptohet se numri i të infektuarve është shumë më i madh se shifra zyrtare.

Ndryshe, zëdhënsi i Ministrisë së Jashtme, Abbas Musavi, e hapi një konferencë për gazetarë duke e refuzuar ofertën për ndihmë nga Shtetet e Bashkuara, të cilën e kishte bërë zyrtarisht sekretari amerikan i shtetit, Mike Pompeo./Reporteri/