Policia e Kosovës ka dalur nëpër rrugët e Kosovës për të marrë masa në përputhje me vendimin e Qeverisë së Kosovës, që ndalon lëvizjen e lirë nga ora 10:00.

Pamjet që ka siguruar Reporteri nga Prishtina, shihen Policia e Kosovës teksa ndalojnë qytetarët tek vendi i njohur si “Rrethi me flamur”.

Aty është ndaluar secila veturë, ani pse menjëherë pas orës 10:00 kjo gjë nuk ndodhi, pasi u panë qindra vetura teksa lëviznin qendrës së Prishtinës.

Ndërkohë, zyrtarë të lartë të Qeverisë po bëjnë thirrje që të respektohet vendimi i ndalimit. Zëvendëskryeministri Haki Abazi dhe ministri Besnik Bislimi, kanë kërkuar që të respektohen masat e Qeverisë.

Në anën tjetër, presidenti Thaci ka dalur përsëri para mediave ku tregoi se do ta dërgojë në Gjykatën Kushtetutese vendimin e Qeverisë, të cilin e quajti anti-kushtetues. Thaci tha se qytetarët duhet të qëndrojnë në shtëpi, ndërsa shtoi se vendimi është shkelje e të drejtave të tyre./Reporteri.net