Kryeparlamentarja Vjosa Osmani, në konferencën për media të thirrur nga vetë ajo, për të njoftuar caktimin e seancës për rrëzimin e Qeverisë Kurti, ka zgjatur fjalimin e saj për disa minuta, deri sa ka zyrtarizuar ditën dhe orën e seancës së jashtëzakonshme të Kuvendit.

Osmani, fillimisht tha se dëshiron të sqarojë se ajo paraprakisht ka kërkuar ndihmë nga Instituti i Shëndetit Publik, nëse ka kushte për mbajtjen e një seance parlamentare, në sallën e Kuvendit të Kosovës, shkruan Reporteri.net.

E tek, më pas, nder rreshta ajo ka treguar se Kryesia ka vendosur që seanca për votimin e mocionit të mosbesimit ndaj Qeverisë, i iniciuar nga LDK-ja, është caktuar të mbahet të mërkurën në ora 11:00.

Kryeparlamentarja ka njoftuar se mediat nuk do të mund të futen në sallë nesër, por tha se transmetimi do të mundësohet drejtpërdrejtë nga regjia e Kuvendit.

Ndryshe, është bërë e ditur se Vjosa Osmani ka votuar kundër caktimit të seancës nesër, përkundër se është iniciuar nga partia e saj. /Reporteri.net/.