Ish-deputeti Visar Ymeri e ka quajtur të gabuar mocionin për rrëzimin e qeverisë, duke thënë se është një kohë shumë e gabuar dhe e papërshtatshme.

“Nuk është koha për ta rrëzuar një qeveri e për të krijuar një të re në mes një pandemie, sepse te gjitha forcat institucionale duhet t’i vëmë në luftën ndaj pandemisë, çka rrezikojmë prapë të mos dalim mirë, e lëre me këtë përçarje”, tha Ymeri në T7, shkruan Reporteri.net.

Ai ka pasur Kritika për LDK-në lidhur me çasjen e saj për vendosjen e reciprocitetit ndaj Serbisë.

“Nuk është dashur ta pranojë ta votojë programin me reciproceitetin në të, kur nuk e ka pasur ndërmend ta respektojë”, tha ai.

Ymeri ka akuzuar edhe Kuritn për gabime.

“Shkarimi i Agim Veliut është i gabuar dhe i ngutshëm pasi është dashur ta konsultojë LDK-në për një vendim të tillë”, tha ai.

Ymeri ndërkaq ka vlerësuar punën e ministrit të Shëndetësisë, Arben Vitia, duke thënë se ka arritur ta menaxhojë mire luftën kundër koronavirusit. /Reporteri.net/.