Një 52 vjeçare nga Vlora nuk i ka mbijetuar sfidës me koronavirusin, ajo është viktima e dytë brenda ditës së sotme pas një 66 vjeçari nga Roskoveci që humbi jetën mëngjesin e kësaj të premteje.

Ministria e Shëndetësisë bën me dije se 52 vjeçarja prej dy ditësh ndodhej në terapi intensive në ambientet e Infektives në Tiranë, por fatkeqësisht nuk ka arritur të mbijetojë.

Pacientja mësohet se vuante nga hipertensioni.

Viktima nga Vlora ishte pjesëtare e familjes që ka katër raste me COVID 19, ku aktualisht ndodhen të shtruar ne spital djali, vjehrra dhe bashkëshorti i saj.

Deri më tani në vendin tonë kanë humbur jetën 9 persona nga koronavirusi dhe 186 persona të tjerë janë konfirmuar pozitiv.