Kjo e hënë në Tiranë ka nisur si një ditë e zakonshme për qytetarët.

Zgjerimi i orarit të lëvizjeve ka bërë që të rëndohet edhe qarkullimi në rrugët e Tiranës.

Gazetari i Ora News, Besar Bajraktaraj raporton se fluksi i automjeteve dhe i këmbësorëve është i lartë.

“Këmbësorët janë të shumtë, ku shumë prej tyre nuk kanë as autorizim për të lëvizur. Për këtë arsye drejtuesit e lartë të policisë i kanë kërkuar vartësve që të intensifikojnë kontrollet për personat që thyejnë rregullat dhe karantinën”, raporton gazetari Bajraktaraj.

Nga dita e sotme, ka nisur lehtësimi i fashës së orarit të lëvizjes së qytetarëve dhe bizneseve të lejuara. Fasha orare do të zgjatet deri 17.30 për qytetarët, shërbimet ushqimore, farmacitë dhe bankat. Ndërsa autorizimet për leje-dalje për pazar do të jenë 90 minuta.