Më 13 mars Kosova konfirmoi dy të prekurit e parë me coronavirus, duke nisur edhe trajtimin e tyre në Klinikën Infektive në QKUK. Që nga ajo ditë, në këtë klinikë janë shtrirë dhjetëra persona.

Mirëpo, përvec masave të thjeshta të higjienës, në oborrin e QKUK-së vazhdonte normaliteti, dhe ecnin qindra e mijëra persona, shkruan Reporteri.net.

E sot, më 13 prill, është vendosur një Portë në të cilën mund të dezinfektohen ata që lëvizin brenda oborrit të QKUK-së.

Porta është vendosur para ambulancës për Coronavirus, më saktësisht në oborrin e Klinikës Infektive, ku janë shtrirë dhjetëra pacientë.

Sidoqoftë, e para që e vendosi një Portë të tillë ka qenë Komuna e Mitrovicës, pas së cilës u vendos edhe në Tiranë e janë paralajmëruar edhe për Prishtinë.

Ndryshe, në Kosovë coronavirusi ka shënuar rritje, duke u regjistruar 79 raste vetëm ditën e djeshme. Në tërësi, në Kosovë janë 362 të infektuar, 59 të shëruar dhe 7 të vdekur./Reporteri.net