Vendimin për masat e reja për parandalimin e coronavirusit, ku qytetarët mund të lëvizin veç 90 minuta gjatë ditë e quan antikushtetues, kreu i PSD-së, Dardan Molliqaj.

Ky i fundit thotë se kryeministri në detyrë, Albin Kurti, për protagonizmin e tij dhe për të mbajtur pushtetin me çdo kusht, detyron ministrat Vitia e Hajdari të marrin vendim anti-kushtetues e me masa edhe më të rrepta sesa që guxonte t’i merrte vetë, shkruan Reporteri.net.

Postimi i tij:

Kurti, për protagonizmin e tij dhe për të mbajtur pushtetin me çdo kusht, detyron ministrat Vitia e Hajdari të marrin vendim anti-kushtetues e me masa edhe më të rrepta sesa që guxonte t’i merrte vetë. Pasi dështuan plotësisht në menaxhimin e situatës me pandeminë e COVID-19, qeveria zgjodhi mbajtjen e pushtetit duke shkelur kushtetutën, në vend se të marrin masat e duhura për të ruajtur shëndetin publik të qytetarëve të saj.

Shkelja e kushtetutës për herë të dytë me të njëjtin vendim është e papranueshme. Një gjë e tillë, në këtë kohë të rrezikshme e vitale për shoqërinë tonë, nuk duhet të jetë e pranueshme e as e tolerueshme.

https://www.facebook.com/dardanmolliqaj2/posts/3114705368551343