Suedia e ka gjetur thjeshtë çështjen e masave rigoroze, rreth asaj se kush ka drejtë t’i vendos e kush jo. Ka bërë më të thjeshtën dhe të duhurën, ka respektuar rendin kushtetues e institucional. Kuvendi i ka dhënë forcë Qeverisë, përmes një ligji, që të marrë masa në parandalimin e coronavirusit, shkruan Reporteri.

Kosova tash e një muaj ka nxjerrë një vendim të Gjykatës Kushtetuese që ka shpallur anti-kushtetues vendimin e Qeverisë për kufizim të lëvizjes. I tha se duhet ta pyesësh Kuvendin, sepse duhet me ligj. Por ky e bëri përmes një ministri, duke ia dhënë atij kompetencat e ai veç e veç për komuna mori vendim. Krejt kjo për ta vizituar një gjendje të jashtëzakonshme nga Kuvendi, e cila i jep kompetenca Presidentit. Gjithçka rreth kësaj gjendjeje u përdor si pretekst për ta rrezuar Qeverinë, shkruan Reporteri.

Por, në Suedi, shtetin që deri tash ka qenë i hapur, rastet janë shtuar dhe duhet masa. Kuvendi i ka dhënë leje të mbyllë shkolla e restuarante. Në çdo masë që e merr, parlamenti do të ketë të drejtën ta revokojë, shkruan Euroneës, transmeton Reporteri.

Në të njëjtën ditë, kryeministri i Suedisë, Stefan Löfven njoftoi në një konferencë për shtyp se ndalesa e udhëtimit për hyrje në Suedi do të zgjatet për 30 ditë të tjera, e që do të përfundonte këtë javë.
Löfven gjithashtu falënderoi të gjithë njerëzit që vendosën të qëndrojnë në shtëpi gjatë pushimit të Pashkëve.

Autoritetet suedeze janë kritikuar për masat e tyre për të përmirësuar shpërthimin e COVID-19. Kafenetë, baret, restorantet dhe shkollat janë akoma të hapura në vend, si dhe sallone e bukurisë, palestrat dhe po ashtu njerëzve u lejohet të bëjnë ushtrime jashtë.

Efektiviteti i kësaj qasje është vënë në pikëpyetje javët e fundit pas një rritje të vdekjeve nga COVID-19, e që e bëri Suedinë vendin më të prekur nga skandinavët.
Ka pasur pothuajse 12,000 raste e më shumë se 1.200 vdekje, sipas Qendrës Evropiane për Kontrollin dhe Parandalimin e Sëmundjeve.

Suedia filloi të forcojë masat e saja vetëm pasi u dëshmua rritja e infeksioneve në fund të marsit.

Autoritetet gjithashtu ndaluan vizitat në shtëpitë e pensionit më 30 mars.Fluturimet që vinin nga vendet jo të BE-së gjithashtu ishin të ndaluara.
Qeveria gjithashtu ka inkurajuar njerëzit të punojnë nga shtëpia sa më shumë që të jetë e mundur dhe u bëri thirrje qytetarëve që të veprojnë si “të rritur”.

Por ekspertët i bënë thirrje qeverisë të vendosë masa më “radikale” dhe ta bëjë atë shpejt.

Në një artikull të botuar të martën (12 prill) në gazetën e përditshme suedeze Dagens Nyheter, 22 shkencëtarë nga institutet kërkimore dhe universitetet i thanë Agjencisë së Shëndetit Publik të vendit, e cila është duke trajtuar situatën deri më tani, për të mbyllur të gjitha kafenetë dhe shkollat.

Ata gjithashtu thanë që punonjësit e kujdesit shëndetësor që merren me të moshuarit duhet të kenë pajisje të përshtatshme për ktë kontrolluar infeksionet, dhe të kryejnë testime masive të personelit shëndetësor.

Drejtori i Agjencisë Publike të Shëndetit, Anders Tegnell u përgjigj se qasja e Suedisë ndaj urgjencës është e përshtatshme dhe se të dhënat e vdekshmërisë së përdorur në artikull nuk ishin të sakta dhe përmbajnë “një numër gabimesh”.

Në veçanti, ai theksoi ndryshimin në mënyrën e regjistrimit të vdekjeve në vende të ndryshme, duke thënë se në disa kombe, si Italia, regjistrohen vetëm vdekje në spitale.
Danimarka dhe Norvegjia kanë mbyllur kufijtë e tyre, restorantet, shkollat dhe dyqanet, dhe kanë kufizime më të forta për tubimet publike. Studentët e tyre aktualisht nuk po shkojnë në shkollë.
Finlanda, e cila ka miratuar kufizime të ngjashme, ka karantizuar të gjithë krahinën e Helsinkit./Reporteri