Meliza Haradinaj-Stublla, me anë të një postimi në Facebook, ka reaguar ndaj akuzave të fundit që aludonin se në vitin 2018 është bërë import i gjakut nga Serbia.

Këshilltarja e Kryetarit të AAK-së ka thënë se këto akuza janë thjesht shpifje.

Haradinaj-Stbulla ka shkruar se pas ekzaltimit, Vetëvendosja tani po kalon mbi urën më të vështirë: ajo që çon nga dëshpërimi në mohim.

Ajo ka sqaruar se bëhet fjalë për importim të produkteve diagnostikuese (reagensa dhe kalibrator).

Postimi i plotë:

SHPIFJA, STREHA E FUNDIT E HORRAVE

Pas ekzaltimit, Vetëvendosja tani po kalon mbi urën më të vështirë: ajo që çon nga dëshpërimi në mohim!

Duke kaluar sot mbi këtë urë, mllefi e mëria e brendshme dhe mungesa e të vërtetave të dobishme, i shtyn të ngratit në kërkim dëshpërues tek ‘streha e shpifjes’- kështu si këtë djaloshin militantesk

E VËRTETA: nuk ka pasë import të gjakut por të produkteve diagnostikuese (reagensa dhe kalibrator). Për më shumë shihni më poshtë demantin e atëhershëm nga Dogana dhe tabelën e importeve të këtij produkti ku tarifimi i këtyre produkteve është bërë në kategorinë doganore të gjakut!