Deklarata që e dha gjatë ditës së sotme Këshilltari i Kryeministrit në detyrë, Albin Kurtit, Shkelzen Gashit, duket se po i kushton shtrenjtë ku shumë prej reagimeve e kanë kërkuar shkarkimin e tij nga pozita.

Në deklaratën e fundit, Gashi ka thënë se UÇK-ja ka kryer krime në luftë dhe se ata që kan kryer krime duhet të dënohen, shkruan Reporteri.net

Ndaj kësaj deklarate ka reaguar edhe profesori universitar, Flamur Maloku, i cili ka aderuar në Lëvizjen Vetëvendosje, i cili tha se është turp për Gashin për etiketa të tilla për luftën drejtë UÇK-së.

“Nuk mund të qëndroja pa reaguar, jo vetëm hatri i dy vëllezërve të mi që tashmë janë invalidë të luftës, por më shumë për ta tërhequr një vërejtje, gjithsesi për të thënë e për ta ruajtur njërën prej vlerave më të qenësishme të historisë sonë të fundit me të cilën identifikohet kjo republikë që e kemi!
Është e ulët Shkelzen Gashi, të bësh etiketa të tilla për luftën e drejtë të UÇK-së. Se kujt i shërben zotëria me at arsenal etiketash, as që dua t’ia di. Janë të gërditshme. Turp”, ka shkruar Maloku.

Reporteri.net