Në Kosovë të premten janë konfirmuar të premten edhe 34 raste të reja me koronavirus, duke çuar kështu numrin e përgjithshëm të të infektuarve në 703.

Me këto raste të konfirmuara, Kosova e kalon sërish Shqipërinë e cila dje kishte vetëm 15 raste të reja me 678 të infektuar në total, shkruan Reporteri.

Rastet pozitive të konfirmuara mbrëmë në Kosovë janë raste kontakti nga Gjilani, Prizreni, Ferizaj, Rahoveci, Dragashi, Prishtina, Skenderaj, Malisheva dhe Zveçani.

Dy rastet e konfirmuara në Rahovec u bë e ditur se janë  dy infermiere në Spitalin Regjional të Prizrenit.

Në ditën e 43 që kur janë konfirmuar rastet e para me COVID-19 në Kosovë, u shfaqën  dy rastet e para edhe në Komunën e Dragashit.