Seanca parlamentare për votimin e Qeverisë së re në krye me Hotin pritet të mbahet të shtunën (02 maj, 2020) në ora 13:00.

Këtë e ka bërë të ditur shefi i grupit parlamentar të LDK-së, Arben Gashi i cili ka thënë se sot kanë dorëzuar kërkesën për seancë të jashtëzakonshme, për të shtunën, në ora 13:00.

Gashi tha se kërkesa është dorëzuar me 61 nënshkrime gjithsej, shkruan Reporteri.

Ai po ashtu konfirmoi se LDK i ka votat e nevojshme për qeverinë e re.

“Kam dorëzuar në emër të LDK-së kërkesën për seancë të jashtëzakonshme për ditën e shtunë, në ora 13:00. Me 61 nënshkrime është bërë kërkesa për seancë”, tha ai.

Në anën tjetër presidenti i Kosovës, Hashim Thaçi pak më parë konfirmoi se ka dekretuar Avdullah Hotin si kandidat për kryeministër  të ri të Kosovës. /Reporteri.net