Avni Arifi ka nisur sot zyrtarisht ta ushtrojë punën si Ambasador i Republikës së Kosovës në Emiratet e Bashkuara Arabe.

Këtë informacion e bëri të ditur vetë ai me anë të një postimi në Facebook, ku postoi edhe fotografi nga zyra e tij e re.

“Përfaqësimi i duhur i Kosovës në këtë pjesë të botës është me rëndësi të posaçme politike dhe ekonomike. Falënderoj të gjithë ata që ma besuan këtë detyrë e në veçanti Kryeministrin Haradinaj. Si gjithmonë do të jem në funksion të detyrës”, ka shkruar Arifi në postimin e tij.

Ndryshe, Avni Arifi ka qenë shef i kabinetit të kryeministrit Haradinaj deri para se të marrte detyrën diplomatike.