Kryetari i Odës Ekonomike të Kosovës, Berat Rukiqi ka bërë thirrje që të hapen të gjitha bizneset. Sipas tij, hapja e tyre duhet të bëhet jo më larg se më 28 maj.

Përmes një postimi në llogarinë e tij në rrjetin social Facebook, Rukiqi ka thënë se numri i vogël i rasteve në kujdes intensiv, janë argument i mjaftueshëm për hapjen e të gjitha bizneseve, shkruan Reporteri.net.

“Është koha për hapje të të gjitha bizneseve, jo më larg se data 28 Maj 2020. Situata me pandeminë, numri i menaxhueshëm i rasteve të infektuara, numri i vogël i rasteve në kujdes intenziv, janë argument i mjaftueshëm për hapjen e të gjitha bizneseve, sigurisht përcjellur me masat mbrojtese dhe distancimin social adekuat. Ta hapim ekonominë dhe të fokusohemi në rimekëmbjen ekonomike”, ka shkruar Rukiqi.

https://www.facebook.com/berat.rukiqi.7/posts/2712583149067235

/Reporteri/