Anthony Joshua ka thënë se dëshiron të luftojë me Tyson Fury për të fituar rripat e tij.

Joshua i cili mori “hakmarrje” për humbjen e vetme të karrierës së tij kundër Andy Ruiz Jr me një fitore të arritur në dhjetor, ka planifikuar një përballje me Kubrat Pulev, luftë e cila është shtyrë shkaku i koronavirusit.

Fury në anën tjetër do të përballet me Deontay Wilder, por bota e boksit është në pritje të një kampioni të unifikuar, dhe Joshua tha se Fury është në listën e tij.

Padyshim që lufta që dua është kundër Tyson Fury, ai po mban diçka që unë e dua”, ka deklaruar Joshua.

“Ai thotë gjëra për mua gjatë gjithë kohës, por Tyson Fury është i rëndësishëm për mua vetëm ditën kur unë dhe ai nënshkruajmë një kontratë për të luftuar”.“Dita që ai dhe unë do të ndeshemi është koha e vetme kur unë do të flas për Furyn”.