Dy persona kanë vdekur dhe një pjesëtar i policisë është plagosur gjatë të shtënave në Iowa.

Zyrtarët e policisë në Davenport, në Iowa, u zunë në pritë nga protestuesit e dhunshëm gjatë natës, thanë autoritetet në një konferencë shtypi në mëngjes.

Shefi i policisë së Davenport, Paul Sikorski tha që tre oficerë ishin duke patrulluar qytetin kur u zunë në pritë dhe u sulmuan, shkruan CNN, transmeton Reporteri.net.

Sikorski tha që automjetet e policisë u goditën dhe një oficer u plagos. Sikorski nuk e dinte gjendjen e oficerit por tha që shpreson se është në gjendje të mirë shëndetësore.

Policia ka arrestuar disa persona në një makinë që u largua nga ajo skenë, tha ai.

Sikorski tha që policia iu përgjigj dhjetëra incidenteve në qytet, duke përfshirë edhe të shtënat e fundit. Ai tha se gjithsej katër persona u qëlluan dhe dy njerëz kishin vdekur./Reporteri.net/