Ministri i Shëndetësisë, Armend Zemaj, ka dalë me konferencë për media pas 40 rasteve të reja me coronavirus.

Ai ka deklaruar se gjendja është normale, nuk ka vend për panik dhe se krejt çka duhet është të rritet kujdesi.

Ministri Zemaj tha se Qeveria dhe Ministria e Shëndetësisë sot ka marrë vendim që qysh nesër do të ketë lëvizje të lirë edhe të kufijve tokësor dhe se pretendimet i kanë t’i hapin shpejt edhe kufijtë ajror.

“Pretendimet tona janë që së shpejti të hapen edhe kufijtë ajror, të ruajmë njëri-tjetrin, shëndetin dhe të shtojmë kujdesin. Mos të përhapim panik, sepse s’i ndihmon askujt dhe vetëm e dëmton zhvillimin e Kosovës dhe i ndihmon interesat e individëve edhe në dëmtimin e shëndetësisë kosovare”, tha Zemaj. /Reporteri.net/.