Që prej 2013-tës, Michael Schumacher vijon të jetë në gjendje të rënduar shëndetësore. Aksidenti i pësuar duke bërë ski në Alpet e Francës e çoi në koma legjendën e Formula 1.

Edhe pse informacionet rreth shëndetit të tij mbeten tejet të rezervuara, së fundmi raportohet se ai mund t’i nënshtrohet një tjetër ndërhyrje kirurgjikale.

Në tetor të 2019-tës, Schumacher kreu një operacion për të zëvendësuar qelizat burimore.

Mediet në Itali raportojnë se tanimë është planifikuar një operacion i ngjashëm për të bërë transfuzionin e të njëjtave qelizave.