Luka Jovic ka pranuar të transferohet te Milani.

Sulmuesi serb kaloi verën e kaluar nga Eintracht Frankfurt te Real Madrid për shumën e 60 milion eurove, por aventura spanjolle nuk ka shkuar siç duhet.

Vetëm dy gola të shënuar në 24 aktivizime, janë shumë pak. Kuqezinjtë e pëlqejnë 22-vjeçarin, të cilin e shohin si zëvendësuesin perfekt të Zlatan Ibrahimovic.

Le Bombe di Vlad raporton se Jovic ka dhënë dritën jeshile për të kaluar në Serie A.

Tani i mbetet Milanit të gjejë një akord me “Los Blancos”. Marrëdhëniet mes dy klubeve kanë qenë historikisht të mira dhe nuk pritet të hasen probleme në gjetjen e një marrëveshje.

Klubi italian do të provojë huazimin e lojtarit ofensiv, ndërsa Reali do të tentojë të përfitojë sa më shumë nga shitja e tij.