Ballkani i Ismet Munishit nuk ka arritur ta gjejë ende rrugën drejt golit në tri ndeshjet e para pas rikthimit të garës në futbollin kosovar.

Këto rezultate u kanë konvenuar rivalëve të këtij ekipi, të cilët edhe e kanë parakaluar në renditjen tabelare.

Tekniku i kësaj skuadre, Ismet Munishi, ka deklaruar në emisionin “Dueli Sportiv” në “RTV Dukagjini” se kur dështon ekipi i tij gëzohet e gjithë Kosova, transmeton Gazetasheshi.com,

“Një kohë Manchester United bënte kërrdi në Angli dhe kur humbiste Manchesteri gëzohej e gjithë Anglia. Kështu jemi bërë edhe ne në Kosovë, kur po barazojmë, e cila për ne është sikurse humbje po gëzohet e gjithë Kosova”, deklaroi Munishi.

Aktualisht Ballkani ndodhet në pozitën e tretë të renditjes tabelare pas Prishtinës dhe Dritës.