Ish-trajneri i Feronikelit, Agim Sopi, e ka filluar mbarë aventurën e tij te Osterlen FF

Osterlen FF që bën gara në Ligën e Katërt të Suedisë në ndeshjen e parë e ka mposhtur skuadrën më të fortë në ligë, Bromolla me rezultat 2-0, shkruan Reporteri.net

Kampionati ku garon klubi i tij Osterlen FF ka 14 skuadra, derisa synimi është që të ngjiten një rang më lartë, pra në Ligën e Tretë.

Sopi e ka përforcuar skuadrën me transferime nga klubet e njohura suedeze si Trelleborg e Malmo FF dhe duket se në fund do ta arrijë objektivin që ka.

Ndryshe, 51 vjeçari nga Shkupi për më shumë se 3 dekada jeton dhe vepron në Suedi.

Ai ishte edhe ndihmëstrajner i U-21 të Maqedonisë ku edhe arriti një sukses historik duke u kualifikuar në Euro 2017. /Reporteri.net/