Presidenti i Kosovës,  Hashim Thaçit sot do t’i dëgjojë dhe do t’u përgjigjet pyetjeve të Prokurorit të Specializuar në Hagë lidhur me akuzat për krime lufte. Ai ka mbërritur në Hagë dje.

Pikërisht në këtë ditë ka reaguar edhe kryetari i PDK-së, Kadri Veseli i cili akuzohet bashkë me presidentin Thaçi.

Veseli në mbështetje të Thaçi ka shkruar se lufta e Ushtrisë Çlirimtare të Kosovës do të triumfojë dhe dielli do të lindë përsëri.

“Triumfuese do të jetë edhe kjo betejë e Kosovës, në të cilën sërish do të jemi bashkë me vëllain tim nga lufta, Hashim Thaçi. Sepse, e drejtë, e pastër dhe triumfuese ishte edhe lufta jonë çlirimtare. Prandaj, po, dielli do të lindë përsëri”, ka shkruar Veseli.

https://www.facebook.com/kadriveseliofficial/posts/1641375749370958