Gareth Bale vazhdon t’i befasojë të gjithë nga banka rezervë.

Ndonëse e gjithë vëmendja ishte te fitorja mbrëmë dhe te titulli kampion, Bale arriti sërish të bjerë në qendër të vëmendjes.

Mediat kanë kapur momentin kur uellsiani largohet drejt zhveshtores në minutën e 12-të.

Ende nuk dihet arsyeja pse Bale e bëri këtë gjë, por kur ai u rikthye në fushë, foli me trajnerin Zinedine Zidane dhe u rehatua në stol.

As mbrëmë Bale nuk luajti për asnjë minutë, derisa raportet e tij me Zidanen nuk janë aspak të mira.

Ndryshe, javëve të fundit Bale ka marrë vëmendjen nga stoli, derisa ishte parë edhe duke fjetur.