Partitë shqiptare në komunën e Bujanocit kanë arritur marrëveshje për koalicionin qeverisës.

Liderët e partive shqiptare  në selinë e PD-së kanë nënshkruar marrëveshjen për koalicion që u jep atyre shumicën në Kuvendin Komunal, shkruan Reporteri.

Sipas kësaj marrëveshje, shqiptarët në Bujanoc pritet të kenë 26 këshilltarë në Kuvendin Komunal.

Me këtë në opozitë do të mbetet SNS e presidentit serb, Aleksandër Vuçiq.

Kryetar i ri i Bujanocit do të jetë Nagip Arifi partia e së cilit doli e para në zgjedhjet e fundit, ndërkaq PVD pritet ta ketë kryetarin e Kuvendit.

Lajmi është konfirmuar edhe nga Ministri i Jashtëm Shqiptar, Gent Cakaj. Cakaj ka falënderuar liderët e Luginës që janë bërë bashkë edhe një herë.