Ministri i Shëndetësisë, Armend Zemaj, ka bërë të ditur se sot është takuar me përfaqësuesit e Zyrës Rajonale të OBSH-së, përfaqësuesit e Zyrës së OBSH-së në Kosovë dhe përfaqësuesit e IKSHPK-së, ku diskutuan në detaje rreth 9 shtyllave ndërtuese të Strategjisë së Përgjigjes gjatë Emergjencave.

Zemaj ka bërë të ditur se përfaqësuesit e Zyrës Rajonale e OBSH-së prezantuan rekomandimet e tyre për secilën prej këtyre shtyllave dhe u dakorduan që me një bashkëpunim të afërt dhe të vazhdueshëm do të angazhohen që t’i përmbushin këto rekomandime, shkruan Reporteri.net.

“Gjatë këtij takimi u theksua edhe rëndësia e ngritjes së kapaciteteve, ku u përmend edhe ndikimi i menjëhershëm pozitiv që ka pasur edhe angazhimi i 200 profesionistëve shëndetësor nga Ministria e Shëndetësisë”, ka shkruar Zemaj në rrjetin social Facebook.

Postimi i plotë:

https://www.facebook.com/zemajarmend/posts/3218841088162749