Presidenti i Serbisë, Aleksandar Vuçiq është takuar me ambasadorin palestinez, Muhamed Nabhan, me të cilin diskutoi aspekte të ndryshme të marrëdhënieve bilaterale

Kreu i shtetit serb e falënderoi atë për siç tha “mbështetjen e Palestinëssovranitetit dhe integritetit territorial të Serbisë dhe qëndrimit parimor për mosnjohjen e pavarësisë së Kosovës”.

Ai gjithashtu e njoftoi diplomatin palestinez për rrjedhën e dialogut ndërmjet Beogradit dhe Prishtinës, raporton Tanjug.

Ambasadori Nabhan e informoi Vuçiqin për pikëpamjen palestineze për situatën në Lindjen e Mesme.

“Presidenti Vuçiq falenderoi Palestinën për përkrahjen e integritetit dhe sovranitetit territorial të Serbisë dhe pozicionin parimor për mosnjohjen e pavarësisë së shpallur njëanshëm nga Kosova. Ai e informoi ambasadorin Nabhan lidhur me dialogun mes Beogradit dhe Prishtinës”.