Të gjithë qytetarët e Pejës, por jo vetëm të cilët duan të hynë me veturat e tyre në spitalin e Pejës, tashmë duhet të paguajnë për këtë gjë.

Ky spital ka vendosur rampë me pagesë, duke mos pasur fare parasysh gjendjen e rëndë ekonomike të qytetarëve në këtë kohë pandemie.

Gazeta Online “Reporteri.net” ka siguruar fotografi ku shihet vendosja e rampës në këtë spital.

Ky vendim është tejet i çuditshëm kur kihet parasysh se pikërisht tre javë më parë Shërbimi Spitalor dhe Klinik Universitar i Kosovës vendosi ta heqë tarifën për hyrje me vetura në Qendrën Klinike dhe Universitare të Kosovës.

SHSUK në njoftimin e dhënë tha këtë vendim e ka marrë drejtori i përgjithshëm i ShSKUK-së, Valbon Krasniqi, duke u bazuar në situatën e krijuar në vend për shkak të Pandemisë së Covid-19, me qëllim të parandalimit dhe shmangies së kontaktit nëpër laura”.