Skuadra e Gjilanit do të përballet në ndeshjen e sotme kundër APOEL-it.

Kjo ndeshje pritet të fillojë nga ora 19:00 dhe do të zhvillohet në stadiumin “Fadil Vokrri”, në Prishtinë.

Trajneri i APOEL-it, Marinos Ouzounidis në konferencë për shtyp para mbrëmë ka deklaruar së janë gati 100 % dhe se ndihen favoritë në këtë takim.

“Nuk ndjemë kurrfarë presioni pas barazimit në kampionat, pasi ka qenë ndeshja e parë e sezonit. Ne do të japim 100 për qind nga vetja në ndeshjen e së enjtes, do të bëjmë maksimumin dhe natyrisht se ndihemi favoritë për shkak se i kemi bërë të gjitha përgatitjet e mundshme gjatë kësaj kohe”, ka deklaruar ai.

Ndeshja zhvillohet në kuadër të rrethit të parë kualifikues për Ligën e Evropës.