Një aksident ka ndodhur mëngjesin e sotëm në Minierën e Trepçës-njësia në Leposaviq. Nga ky aksident ka mbetur i vdekur një punëtor.

Lajmin për Reporterin e ka konfirmuar Kryeinspektori i Komisionit të Pavarur për Miniera dhe Minerale, Fatmir Gërguri.

Sipas Gërgurit, aksidenti ka ndodhur në njësinë përpunuese-flotacion.

“Në minierën e Trepçës- njësia në Leposaviq ka ndodhur një aksident i cili ka përfunduar me fatalitet. Aksidenti ka ndodhur në njësinë përpunuese-flotacion.
Për vend ngjarje janë nisur inspektoret nga KPMM”, ka thënë ai për Reporterin.

Ai ka bërë të ditur se siç është njoftuar nga inspektorët, punëtori fillimisht e ka humbur krahun dhe është dërguar për trajtim, por nuk ka mundur të ju mbijetojë plagëve.

“Siç më kanë njoftuar inspektorët, fillimisht e ka humbur krahun në njësinë përpunuese-flotacion. Janë marrë masat dhe është dërguar për trajtim, por nuk ka mundur të iu mnbijetojë plagëve”, ka thënë Gërguri. /Reporteri.net