Seleksionuesja e Kosovës në futboll Afërdita Fazlija, ka thënë se mungesa e tetë lojtareve të ekipit bazë e ka bërë të pamundur të bëhet një paraqitje e dinjitetshme ndaj Holandës sonte në stadiumin “Fadil Vokrri” në Prishtinë.

Kosova pësoi 6:0 nga kampionia e Evropës, Holanda në ndeshjen eliminatore për Evropianin 2022.

“Lojë e vështirë, tetë lojtare të ligës së Kosovës është e vështirë që t’i përballojnë dy ndeshje brenda tri dite, si dhe angazhimi i disa lojtareve të reja, duke debutuar përballë Holandës ka qenë e vështirë. Mungesa e tetë lojtareve të ekipit bazë na pamundësoi të bëjmë paraqitje më të dinjitetshme”, ka thënë Fazlija.