Milani është rikthyer te fitoret pas barazimit ndaj Romës 3-3 dhe ka triumfuar në udhëtim te Udinese.
Në një ndeshje jashtëzakonisht të vështirë, Milani triumfoi me rezultat të ngushtë 1-2.
Rossonerët e gjetën golin e epërsisë në minutën e 18-të, kur Zlatan Ibrahimovic asistoi bukur te Franck Kessie i cili shënoi për 0-1.
Me epërsinë minimale të mysafirëve përfunduan 45 minutat e para të kësaj sfide.
Por me të filluar pjesa e dytë vendasit fituan penallti, të cilën në gol e shndërroi Rodrigo de Paul për të barazuar shifrat në 1-1.
Milan vazhdoi të dominonte në ndeshje, ku në minutën e 83-të gjetën edhe golin e fitores.
Ishte Zlatan Ibrahimovic që shënoi një gol të bukur me gërshërë për t’i dhënë tri pikë të reja Milanit.
Me këtë fitore Milani vazhdon të kryesoj i vetëm në Serie A, ku pas gjashtë ndeshjeve ka grumbulluar 16 pikë.
Ndërkohë Udinese mbetet në vendin e 18 në tabelë me vetëm tri pikë.
Ndeshjen e radhës Milani e luan në San Siro përballë Veronës, ndërsa Udinese luan në udhëtim te Sassuolo.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.