Kancelarja gjermane, Angela Merkel ka reaguar pas sulmeve në qendër të Vjenës.

Kancelarja gjermane Angela Merkel shprehu tronditjen e saj në sulmet në të gjithë qendrën e Vjenës dhe tha se Gjermania qëndroi në solidaritet me Austrinë fqinje në luftën kundër “terrorizmit islamik”, raporton Reuters.

“Në këto orë të tmerrshme kur Vjena është bërë shënjestër e dhunës terroriste, mendimet e mia janë me njerëzit atje dhe forcat e sigurisë që përballen me rrezikun”, tha Merkel në një deklaratë të botuar nga zëdhënësi i saj në Twitter të martën.

“Ne gjermanët qëndrojmë në simpati dhe solidaritet me miqtë tanë austriakë. Lufta kundër terrorizmit islamik është lufta jonë e përbashkët”, shtoi ajo.